ഹയർ സെക്കൻഡറി നാഷണൽ സർവിസ്
സ്കീം ജില്ലാനേതൃത്വത്തിൽ ലക്ഷം അവയവദാനമ്മതപത്രങ്ങളുടെ സമർപ്പണം പുനർജനി അളഗപ്പനഗർ
ഗവ. ഹയർസെക്കൻഡറി സ്കൂളിൽ നടന്നു. മന്ത്രി പ്രൊഫ. സി രവീന്ദ്രനാഥ് ഉദ്ഘാടനം
ചെയ്തു.കിഡ്നി ഫെഡറേഷൻ ഓഫ്ഇന്ത്യ ചെയർ മാൻ ഫാ.ഡേവിസ് ചിറമ്മൽ
സമ്മതപത്രങ്ങൾ ഏറ്റുവാങ്ങി. ജില്ലയിലെ നൂറോളം യൂണിറ്റുകളിൽ നിന്നുമായി ഒമ്പതു ക്ലസ്റ്ററുകളിലെ
പെർഫോമൻസ് അസസ്മെന്റ് കമ്മിറ്റി അംഗങ്ങളുടെ നേതൃത്വത്തിൽപതിനായിരത്തോളം എൻഎസ് എസ്
വളണ്ടിയർമാരാണ് അവയവദാന സമ്മതപത്ര ശഖരണം നടത്തിയത്. അളഗപ്പനഗർ പഞ്ചായത് പ്രസിഡന്റ്
കെ രാജേശ്വരിചടങ്ങിൽ അധ്യക്ഷയായി.
ഹൈസ്കൂൾ എച്ച് എം സിനികുരിയാക്കോസ്, പിടിഎ പ്രസിഡന്റ്
സാജൻ ജോസഫ്, പി ടി ബൈജു എന്നിവർ സംസാരിച്ചു. ഗവ ഹൈസ്കൂൾ പ്രധാനാധ്യാപിക
ജി ശ്രീലത സ്വാഗതവും പുനർജനി പദ്ധതിക്ക് നേതൃത്വം നൽകുന്ന എൻഎസ്എസ് തൃശൂര്‍ ജില്ലാ കോര്‍ഡിനേറ്റർ സി കെ ബബി നന്ദിയും
പറഞ്ഞു.
ചടങ്ങില്‍ മുന്‍ ജില്ലാ കോര്‍ഡിനേറ്റര്‍ എം.സുധീര്‍ മാഷിനെ ആദരിച്ചു. മികച്ച പ്രവര്‍ത്തനങ്ങള്‍ കാഴ്ചവച്ച് പ്രോഗ്രാം ഓഫീസര്‍മാര്‍ക്ക് പുരസ്കാരങ്ങളും ദുരിതാശ്വാസ പ്രവര്‍ത്തനങ്ങളില്‍ ഏര്‍പ്പെട്ട പ്രോഗ്രാം ഓഫീസര്‍മാര്‍ക്ക് സര്‍ട്ടിഫിക്കറ്റുകളും വിതരണം ചെയ്തു.
